علاج تساقط الشعر بالليمون ( القضاء على تساقط الشعر) تجربتى

بسم الله الرحمن الرحيم

السلام عليكم ورحمة الله ي حلوات النهاردة هكلمكم عن 

تجربتي مع الليمون لتساقط الشعر


تساقط الشعر من الحاجات اللى بتتعبنا كلنا ( يا ضيعان شبابى فى علاج تساقط الشعر 😂 ) المهم هحكيلكم عن تجربة شخصية بس مش ليا لواحدة قريبتى ، ولأن أغلبنا شعره بيتساقط فكلنا بنعمل ما بوسعنا ونجرب كل الوصفات لحد ما نستقر على وصفة معينة تأتى بثمارها زى ما بيقولوا ( بقينا حقل تجارب 😔) .


تجربتي مع الليمون لتساقط الشعر ( علاج تساقط الشعر )


المهم الوصفة دى هى وصفة الليمون لتساقط الشعر ( ايوا والله ( زيمبلوكم 😂😂 ) كده الليمون الاصفرانى الحلو ده 🍋) 
قريبتى كان شعرها بيتساقط بشكل كبير المهم وعند طريق الصدفه كان عندها صداع شديد فعملت ايه جابت الليمون وفركت شعرها بيه على أساس تخفف من الصداع بجانب أدوية البرد ،  ومكنش فى بالها تعالج الشعر خالص وقتها 😂😂 .
المهم بعد استخدامها ليه بشكل يومى لمدة اربع ايام بس لاحظت أن شعرها بدأ يقل تساقطه ، فررت بعدها تبدأ فى تكملة الوصفة دى علشان تشوف هيحصل ايه وبالفعل بدأت تعمل تدليك للفروة كل اسبوع لمدة اربع ايام متواصلة وبعدها تغسل شعرها والآن بعد شهرين ونص شعرها بسم الله ماشاء الله بقا حاجه تانى فعلا والله حتى اخواتها بيحقدوا عليها 😂😂 أما أنا شخصيا فيدوب ببدأ فى الوصفة وهقولكم النتيجة أن شاء الله اول ما اشوف هيحصل ايه معايا ( احيانا بتختلف النتيجة من شخص التانى ) لانى مش بسبب وصفة مش بجربها الحقيقة 🙈😂 .

يعنى الخلاصة استخدمى الليمون لعلاج تساقط الشعر ممكن تستخدميه مرتين فى الأسبوع على حسب طبيعة فروة الرأس أو نضعه فى الشامبو اللى بنستخدمه .

ولان بسمع كتير عن وصفات وبنعملها ومش بشوف منها اى نتايج واحياناً بتكون فيها اضرار وانا هنا مش بتهم حد لا سمح الله اطلاقاً ولكن احب الناس تشارك بتجاربها الشخصية اللى جابت معاها نتايج حقيقيه وليست وصفة مأخوذة كوبى بيست واحيانا بتكون مضرة أو العكس الوصفات اللى جربوها شخصيا او اشخاص يعرفوهم بشكل شخصى ومجابتش نتائج معاهم ( وعلى هذا الاساس انا هشاركم ان شاء الله الوصفات اللى قمت بتجربتها بشكل شخصى او مع اخواتى او اقربائى واصحابى وجابت فاعلية او الوصفات اللى جربناها وكانت بدون نتائج ) . يارب محدش يزعل منى بسبب صراحتى دى .

وانتوا قولولى تجاربكم مع علاج تساقط الشعر أو مع الليمون خصوصا فى القضاء على التساقط ؟؟  او فى حال وجود اى استفسار بخصوص التجربة اكتبوه فى الكومنت تحت وانا هرد عليكم بإذن الله 😆 
تعليقات



حجم الخط
+
16
-
تباعد السطور
+
2
-